İlon Maskın baş işçisi Qvin Şotvel 2030-cu illərdə reallaşacağı düşünülən Marsa ekipajlı uçuşlara 5-6 il sonra başlayacaqlarını söyləyib.
Manset.az-ın xarici mediaya istinadən məlumatına görə, “SpaceX” kosmos firmasının prezidenti və əməliyyatlar direktoru vəzifəsini icra edən Şotvel, verdiyi müsahibədə astronavtların 2020-ci illərin sonuna qədər Qırmızı Planetə çatacağını iddia edib:
"Düşünürəm ki, 5-6 ildən sonra insanlar Marsın həqiqətən də gediləcək yer olduğunu görəcəklər”.
Şotvel və onun SpaceX-dəki komandası insanları və yükləri Aya, Marsa və ondan kənara çatdırmaq üçün “Starship” adlı təkrar istifadə edilə bilən raket-kosmik gəmi hazırlayır.
