İsrail təhlükəsizlik baxımından pis vəziyyətdədir və İrana qarşı heç bir addım atmaq iqtidarında deyil.
Manset.az xəbər verir ki, bu barədə İslam İnqilabı Keşikçiləri Korpusunun (SEPAH) briqada generalı Ramazan Şərif bildirib.
“İsraillilər dəfələrlə nəzarət etdikləri Fələstin ərazisinin 27 min kvadrat kilometrində təhlükəsizliyin üstün olduğunu bəyan ediblər. Amma onların tədbirləri İslam Respublikasına qətiyyən təsir göstərmir, çünki İranla qarşı-qarşıya gələ bilmirlər. İsraillilər dəfələrlə bəyan ediblər ki, ərəb ölkələrinin orduları birləşsələr belə onları məğlub edə bilməyəcəklər. Lakin biz ilk dəfə İsrailin Hizbullah tərəfindən 33 günlük müharibədə məğlub olduğunu gördük. İsraillilər son dərəcə həssasdırlar və daim qorxu içində yaşayırlar. Daim deyirlər ki, “Dəmir Qübbə” (raket sistemi) və ya kiber sistemlər var və bu, onların zəifliyini üzə çıxarır", - Şərif deyib.
