Ukrayna Silahlı Qüvvələri 2022-ci ilin sonuna qədər Rusiya tərəfindən işğal olunmuş Xerson vilayətinin böyük hissəsini geri qaytarmaq istəyir.
Manset.az xəbər verir ki, bu barədə CNN məlumat yayıb.
Ukrayna rəsmilərinin sözlərinə görə, Ukrayna SQ-nin məqsədi Dneprdən şimal və qərbdə olan bütün əraziləri işğaldan azad etməkdir ki, bura təkcə Xerson şəhəri deyil, mühüm su anbarının yerləşdiyi Novaya Kaxovka və Krıma axan su kanalı daxildir.
Bundan başqa, ukraynalı müdafiəçiləri Şərqdə təzyiqləri artırıblar ki, bu da Rusiyanın öz qüvvələrini cənuba köçürməsinə mane olur.
