BRICS sammitinin geniştərkibli iclası başladı - CANLI
23 Oktyabr 2024
Dünya üzrə qaçqın sayı 120 milyonu ötüb - BMT hesabat verdi
11:19 - 13 İyun 2024
Dünyadakı qaçqınların təxminən dörddə üçü beş ölkədən birindən - Əfqanıstan, Suriya, Venesuela, Ukrayna və Sudandandır.
Manset.az bildirir ki, bu barədə BMT-nin Qaçqınlar üzrə Ali Komissarlığının illik Qlobal Trendlər hesabatında məlumat verilib.
Hesabatda deyilir ki, qaçqın və köçkünlərin sayı 2023-cü ilin sonunda 117,3 milyon nəfərə çatıb və hesablamalara görə, 2024-cü ilin aprel ayının sonunadək 120 milyon nəfəri keçib.
-“2023-cü ilin sonunda təqiblər, münaqişələr, zorakılıqlar, insan hüquqlarının pozulması və ictimai asayişi ciddi şəkildə pozan hadisələr səbəbindən dünyada təqribən 117,3 milyon insan məcburi köçkün olub. 2023-cü ilin sonunda 117,3-ə yüksəlməsi 2022-ci ilin sonu ilə müqayisədə 8 faiz və ya 8,8 milyon nəfər artım deməkdir. 2024-cü ildə isə 120 milyonu keçəcək”, - deyə BMT qurumu bildirib.
2023-cü ildə ən azı 27,2 milyon insan evlərini tərk etmək məcburiyyətində qalıb və onların hər dörddə biri vətənini tərk etmək məcburiyyətində qalıb.
Dünya üzrə qaçqınların təxminən dörddə üçü beş ölkədən birindən - Əfqanıstan, Suriya, Venesuela, Ukrayna və Sudandandır. 2023-cü ilin sonunda Ukraynadan olan qaçqınların sayı 2022-ci ildən beş faiz artaraq 6 milyon nəfər təşkil edib. Təxminən 2,6 milyon insan və ya ukraynalı qaçqınların 44 faizi qonşu ölkələrdə sığınacaq tapıb.
Keçən il təxminən 6,1 milyon insan öz evlərinə qayıdıb.
Fidan Əliyeva
Digər xəbərlər
Xəbər xətti
23 Oktyabr 2024
Ən son xəbərləri səhifəmizdən də izləyin