Qlobal sağlamlıq mütəxəssisləri, iyun ayında meydana çıxan yeni H3N2 növünün Şimali Yarımkürədə sürətlə yayılması səbəbindən ciddi xəbərdarlıqlar edirlər. Peyvənd proqramları başladığı halda, Kanada, Birləşmiş Krallıq və Yaponiyada erkən və şiddətli qrip dalğası xəstəxanaya müraciətləri artırıb.
Manset.az xarici mediaya istinadən xəbər verir ki, Ümumdünya Səhiyyə Təşkilatının Tənəffüs Yoluxucu Xəstəliklər Bölməsinin rəhbəri Dr. Wenqing Zhang, yeni növün "çox sürətlə yayıldığını və bəzi ölkələrdə dominant hala gəldiyini" bildirib.
Mütəxəssislərə görə, yeni H3N2, yay aylarında yeddi yeni mutasiya əldə edərək bu ilin qrip peyvəndində olan növdən əhəmiyyətli dərəcədə fərqlənib.
Birləşmiş Krallığın Milli Sağlamlıq Xidməti rəhbəri James Mackey, qrip xəstəliklərinin keçən ilə nisbətən üç dəfə artdığını bildirərək, ölkənin "çətin bir qışa girdiyini" qeyd edib.
Kanadada da oxşar bir artım yaşanır. Yaponiyada isə qeyri-adi erkən və "görülməmiş" bir qrip mövsümü ilə qarşı-qarşıyadır. Tokio şəhərində qrip hadisələri keçən ilin eyni dövrünə nisbətən altı dəfə artıb; ölkə üzrə 2.300-dən çox məktəb və bağça qismən bağlanıb.
