Kapitallaşma baxımından ən çox qiymətləndirilən iki kriptovalyutanın - "Bitcoin" və "Ethereum"un (ETH) qiyməti aşağı düşür.
Manset.az Trend-ə istinadən xəbər verir ki, dünən saat 20:51-ə olan məlumata əsasən, "Bitcoin" 0,48 faiz ucuzlaşaraq 101.015 min dollara çatıb. Saat 20:59 üçün "Bitcoin" 100,612 min dollara (-0,84%) qədər ucuzlaşıb.
"Ethereum"un qiyməti 1,27 faiz azalaraq 3350 dollara düşüb. Kriptovalyutanın qiyməti enişini sürətləndirib və 3325 dollara (-2,23%) çatıb.
"Coinmarketcap"ın 13 noyabr tarixinə olan məlumatına əsasən, kriptovalyuta bazarının ümumi kapitallaşması 3,39 trilyon dollar təşkil edib. Bunun 2,006 trilyon dolları (59,2%) "Bitcoin", 401,313 milyard dolları (11,8%) isə "Ethereum"un payına düşür.
