"Sekizinci Ailə" serialının ulduzlarını bir araya gətirən qala gecəsi, toplu fotoşəkil çəkilişi zamanı yaşanan gözlənilməz gərginliklə diqqət çəkib.
Manset.az Türkiyə mediasına istinadən xəbər verir ki, Haluk Bilginerin yanında poz vermək istəyən aktyorlar arasında baş verən qısa müddətli yer mübarizəsi, üzlərdəki ifadələrlə birlikdə sosial media istifadəçilərinin diqqətini cəlb edib.
Hazal Kaya, Çağlar Çorumlu, Serkan Keskin, Mehmet Özgür və Melisa Döngel kimi məşhur simaları bir araya gətirən "Sekizinci Ailə" serialının qalasında yaşanan bu anlar, sosial medianın gündəmində olub. Çəkiliş zamanı Haluk Bilginerin yanında poz vermək istəyən Hazal Kaya, addım atarkən kiçik bir gərginlik yaşandı. Kaya, dostlarının önünü bağlayaraq mövqe almağa çalışdıqda, bu an cəmi bir neçə dəqiqə içində sosial mediada ən çox paylaşılan görüntülərdən biri olub.
