Türk sənət musiqisinin unudulmaz simalarından Muazzez Abacı dünən keçirilən vida mərasimi ilə son dəfə "səhnəyə çıxıb". İllər ərzində bir-birindən gözəl əsərləri ilə milyonların qəlbinə toxunan usta sənətçi, səhnədəki bu duyğusal anlarla pərəstişkarlarına vida edib.
Manset.az Türkiyə mediasına istinadən xəbər verir ki, bu gün isə Abacı dostları və ailəsi tərəfindən son mənzilinə yola salınıb.
Qeyd edək ki, bir dövr səsi ilə milyonları duyğulandıran usta sənətçi Muazzez Abacı, yaxın zamanlarda keçirdiyi ürək tutması ilə pərəstişkarlarını kədərləndirmişdi. Dünən İstanbul Atatürk Mədəniyyət Mərkəzindəki mərasimdən sonra, bu gün cənazəsi Ankaraya gətirilərək, 1966-cı ildən sənət həyatına başladığı TRT Ankara Radiosunda mərasim təşkil olunub.
