Tviter investorları Maskı məhkəməyə veriblər.
Manset.az-ın xarici mediaya istinadən məlumatına görə, tviterin 9,2 faizini satın alan İlon Mask, səhm aldığını elan etməyi gecikdirdiyi üçün keçmiş səhmdarlar tərəfindən məhkəməyə verilib.
Maskın həmin dövrdə şirkətdəki paylarını satanlara ziyan vurduğu iddia edilir.
Manhetten federal məhkəməsində qaldırılan kollektiv iddiada səhmdarlar Tesla CEO-su Maskı martın 24-nə qədər Tviterə sərmayəsini açıqlamamaqla federal qanunları pozmaqda günahlandırdılar.
Maskın səhm aldığını elan etməsindən sonra Tviter səhmləri aprelin 4-də 39,31 dollardan 49,97 dollara qədər 27 faiz artıb.
Marc Rasella başda olmaqla keçmiş səhmdarlar, gecikmiş elanın Maskın daha çox Tviter səhmini daha aşağı qiymətlərlə almağa, eyni zamanda özlərini "süni şəkildə azaldılmış" qiymətlərlə satmağa sövq etdiyini bildiriblər.
Maskın vəkili hələlik açıqlama verməyib.
